Фестываль адкрые канцэрт з цыкла “ШЭДЭЎРЫ СУСВЕТНАГА АРГАННАГА МАСТАЦТВА” 3 красавіка. Аднойчы наведаўшы беларускую сталіцу,Рональд Эбрэхт (ЗША) пажадаў прыехаць да нас яшчэ раз і першае аддзяленне канцэрта склаў з твораў, якія ніколі не гучалі у Беларусі: Ф.Савандэ – “Jochua fit battle of Jericho”, “Go down, Moses”, В.Гранд Сціл – Элегія, Ф.Прайс – “In quiet mood”.

У другім фестывальным дні, 4 красавіка, на сцэне Белдзяржфілармоніі будзе панаваць Дзяржаўны акадэмічны СІМФАНІЧНЫ АРКЕСТР Рэспублікі Беларусь, За дырыжорскім пультам будзе адзін з найбольш вядомых дырыжораў сучаснасці, Лаўрэат дзяржаўнай прэміі, заснавальнік Літоўскага сімфанічнага аркестра, прафесар акадэміі музыкі узнагароджаны Ордэнам Вялікага Герцага Літоўскага Гедымінаса Гінтарас РЫНКЯВІЧУС. Салістка – Лаўрэат міжнародных конкурсаў піяністаў у Грэцыі і Італіі, аспірантка маскоўскай кансерваторыі імя П.І.Чайкоўскага Рута РЫНКЯВІЧУТЭ. У праграме: М.Мусаргскі, С.Пракоф"еў, С.Рахманінаў.

8 красавіка з праграмай да 90-годдзя з дня нараджэння сусветна вядомага дзеяча азербайджанскага мастацтва, кампазітара Кара Караева выступіць Дзяржаўны акадэмічны СІМФАНІЧНЫ АРКЕСТР Рэспублікі Беларусь. Дырыжор – народны артыст Азербайджана, маэстра Рауф Абдулаеў.

 Самай прыгожай падзеяй фестывалю стане творчы вечар паэтэсы Бэлы Ахмадулінай 10 красавіка.

Джазавыя вечары ў філармоніі працягваюць трыдыцыю здзіўляць і радаваць пульсуючай энергіяй і рытмамі і на гэты раз музычны вечар пройдзе разам з ДЖАЗАВЫМ КВАРТЭТАМ “WOJCIECH STARONIEWICZ QUARTET” (Польшча) – 12 красавіка.

У гісторыі беларускага музычнага выканальніцкага мастацтва – падзея. Упершыню на Беларусі будзе ўвасоблена так, як было задумана кампазітарам ( адначасовае існаванне на сцэне  музыкантаў-выканаўцаў і харэаграфіі)надзвычай авангардовая партытура Ігара Стравінскага – архаічная “Свадзебка”. Канцэрт-спекталь адбудзецца 13 красавіка.

15 красавіка – Нацыянальны акадэмічны НАРОДНЫ ХОР імя Г.Цітовіча. Мастацкі кіраўнік – народны артыст Беларусі, лаўрэат Дзяржаўнай прэміі, прафесар Міхаіл ДРЫНЕЎСКІ

16 красавіка – сустрэча з народнай артысткай Расіі Ліянай Ісакадзэ (скрыпка), рамантычная эмацыйнасць і абвостраная пачуццёвасць твораў А.Вівальдзі,Ф.Мендэльсона, К.Сен-Санса, з якіх складзена  канцэртная праграма, кране слухацкую аўдыторыю.

17 красавіка – Міжнароднае свята хораў хлопчыкаў “Галасы сяброў”. У свяце ўдзельнічаюць хор хлопчыкаў “Nidaros Cathedral”, мастацкі кіраўнік Бёрн Моэ (Нарвегія), хор хлопчыкаў з Літвы “Дагілеліс” (дырыжор Рэмігіус Адамайціс) і капэла хлопчыкаў Рэспубліканскага каледжу пры Беларускай акадэміі музыкі пад кіраўніцтвам Ул. Глушакова. У канцэрце ўпершыню прагучыць твор Л. Бернстайна “Чычэсцерскія псальмы”. У канцэрце возьмуць удзел Дзяржаўны камерны аркестр РБ і ансамбль ударных  інструментаў “GRIG-PERCUSSION”.

Фестываль у фестывалі – адметнасць сёлетняй “Вясны”. Магчымасці музычнага дыялогу сапраўды невычарпальныя і гэта падцьвердзіць Гала-канцэрт Першага міжнароднага фестывалю фартэпіянных дуэтаў “DUETTISSIMO” - 18 красавіка.

Парыжская сустрэча Курта Вайля і Бертольда Брэхта закончылася з"яўленнем на свет мюзікла “Сем смяротных грахоў”, які 19 красавіка ў выкананні зоркі нямецкага джазу Паскаль фон УРАБЛЕЎСКІ на гэты раз зладзіць ансамбль салістаў “Класік-авангард”.

20 красавіка -  на сцэне Дзяржаўны акадэмічны СІМФАНІЧНЫ АРКЕСТР Рэспублікі Беларусь, дырыжор – Андрэй ГАЛАНАЎ, саліст – Лаўрэат міжнародных конкурсаў Андрэй СІКОРСКІ (фартэпіяна).

24 красавіка. Нягледзячы на гендэлеўскі жарт пра тое, што яго музыка ў пустой зале гучыць лепш, канцэрт з цыкла “Мастацкі свет” Алега Ойстраха збярэ прыхільнікаў музыкі Гендэля і Моцарта.

25 красавіка – АЎТАРСКІ КАНЦЭРТ кампазітара Фаўстаса ЛАЦЕНАСА, добра вядомага, як аўтара музыкі для тэатра і кіно. Тэатральнасць, вобразнасць, шматаблічнасць і разнастайнасць масак – вось асноўная адметнасць, якая можа характарызаваць канцэртную музыку літоўскага кампазітара.

У рамках фестываля 26 красавіка, у выкананні Сімфанічнага аркестра і хора Нацыянальнага акадэмічнага Вялікага тэатра оперы Рэспублікі Беларусь прагучыць “Рэквіем” Дж.Вердзі. Дырыжор – заслужаны артыст Украіны Віктар ПЛАСКІНА

Завяршэннем фестывалю стане ЮБІЛЕЙНЫ ВЕЧАР народнага артыста Беларусі, Лаўрэата Дзяржаўнай прэміі, прафесара Міхаіла КАЗІНЦА (да 70-годдзя з дня нараджэння), які адбудзецца 30 красавіка.

малая ЗАЛА

Аматарам вытанчана-густоўнай музыкі Купэрэна, Шасона, Дэбюсі, Пуленка, Месіяна прапануецца канцэрт літоўскага дуэта Бірутэ ВАЙНЮНАЙТЭ (фартэпіяна) і Скайдра ЯНЧАЙТЭ (сапрана) 7 красавіка.

9 красавіка Дуэт “КАНСАНАНС”

14 красавіка – Музыка для мандаліны і гітары.  Марга ВІЛЬДЭН-ХЮЗГЕН мандаліна,  Марло ШТРАУС гітара (Германія), Кацярына ПРАКОПЧЫК мандаліна, Ян СКРЫГАН гітара, МІНСКІ МАНДАЛІННЫ АРКЕСТР

15 красавіка стартуе І МІЖНАРОДНЫ ФЕСТЫВАЛЬ ФАРТЭПІЯННЫХ ДУЭТАЎ “DUEТTISSIMO”, арганізаваны пры садзейнічанні амбасадаў Латвіі і Малдовы, Інстытута Польскага, Белпрамбудбанка. Фестываль адкрые новыя імёны, ансамблі і новыя магчымасці фартэпіяннага дуэтнага выканання.

 “Кларнет з Брусэля”– адзін з яркіх акцэнтаў канцэрта 19 красавіка – чакаецца выступленне прафесара Бельгійскай Каралеўскай акадэміі музыкі, саліста Фламандскага аркестра радыё Хедвіга ШВІМБЕРГА. Сярод твораў праграмы – кларнетовый квінтэт Моцарта, творы Марціну, Бацэвіч, Швімберга, Лізіга, Арнольда.

У харавым мастацтве прыезд гастралюючага дырыжора даволі рэдкая з"ява. Рэдкі хор даверыць сябе незнаёмым рукам, бо жывы чалавечы голас з"яўляецца галоўным інструментам. Але 21 красавіка – Вальдэмар Сутрык (Польшча) – дырыжор, кампазітар, хормайстар, педагог, арганіст будзе стаяць на чале Заслужанага калектыва Дзяржаўнай акадэмічнай ХАРАВОЙ КАПЭЛЫ Рэспублікі Беларусь імя Р.Шырмы. Трохі пазней Л. Яфімава, кіраўнік хору і галоўны дырыжор, з беларускай праграмай намерваецца паехаць у Катавіцы дырыгаваць філарманічным харавым калектывам.

25 красавіка – у канцэрте “Гітара і гонгі” кампазітарамі будуць жанчыны, выканаўцамі – мужчыны. Інструментальныя персанажы канцэрта --  ударныя  і гітара.

27 красавіка – Велікодны канцэрт харавой музыкі МАЛАДЗЁЖНЫ ХОР “ORFEJ” (Славенія), вядомы на сваёй радзіме як арганізатар першага Міжнароднага харавога фестывалю ў Славеніі.

28 красавіка – зноў у гасцях вядомая скрыпачка Юлія Ігоніна

29 красавіка – музычны вечар прысвячаецца Ірыне Аляксандраўне ЦВЯТАЕВАЙ

30 красавіка – музыка барока, якая па сведчанні музыказнаўцаў катапультуе душу ў нябёсы.

Рэпертуар фестывальнай афішы сведчыць, што фестываль --  гэта таксама творчасць. Нехта сказаў, што калі вы не пасадзіце дрэва, нават нябёсы не змогуць выгадаваць яго.