“МІХАІЛ РАДУНСКІ І СЯБРЫ”
У канцэрце бяруць удзел:
Павел Бацян скрыпка
Мікалай Чарнуха альт
Аляксандра Іванова альт
Юлія Ражкоўская віяланчэль
Андрэй Шынкевіч кантрабас
Яраслаў Макарыч гітара
Кірыл Кедук фартэпіяна
Аляксей Пшанічны фартэпіяна
У праграме: В.А.Моцарт, Р.Шуман, Дз.Шастаковіч, С.Рахманінаў, Х.Радрыга, Дж.Соліма
"Не пачуць сёння віяланчэль Міхаіла Радунскага — як не прачытаць “Арланда” Вірджыніі Вульф, як не паглядзець Цільду Суінтон у аднайменным фільме, як не пакаштаваць “Château Gruaud-Larose” і не пазнаёміцца з “Гасцініцай. Бельгія” Ганны Севярынец…
Віяланчэліст Міхаіл Радунскі сёння — як Фрыдрых Шэлінг напачатку ХІХ стагоддзя. Як Хрыстафор Калумб у ХV-ым.
Прадчуванне адкрыцця. Святло, пра якое здагадваемся, але не даем веры…
Не афекты, а праўда. Тая самая, без якой мы засмяглі ў збалелым існаванні…
Раптам вам пашанцуе? У праўды добры густ. Яна сама абірае час, месца, краіну і праз каго быць выказанай. Хутчэй за ўсё вам пашанцуе.
31 мая на сцэне Вялікай залы Белдзяржфілармоніі — маналогі віяланчэлі, размовы-дыялогі Міхаіла Радунскага з музыкай, часам, сучаснасцю, аднадумцамі, паплечнікамі, прысутнымі.
Уражанні неабмежаваныя суб’ектыўнасцю. У акіяне верагоднасці ёсць суцяшэнне для кожнага…
І — гучанне.
Нетутэйшай.
Праўды."
Ларыса Сімаковіч
