“НАВАГОДНІ “КОНТРА-БРАМС”

лаўрэаты міжнародных конкурсаў

Андрэй Шынкевіч (кантрабас)

Аляксандр Музыкантаў (фартэпіяна)

***

30 снежня ў слухачоў будзе дзіўная магчымасць бліжэй пазнаёміцца з пышным гучаннем кантрабаса. На сцэне Малой залы імя Р.Шырмы Беларускай дзяржаўнай філармоніі ў руках выбітнага выканаўца Андрэя Шынкевіча кантрабас пераўвасобіцца з аркестравага інструмента ў саліруючы.

Выразныя і прыемныя слыху нізкія частасці кантрабаса, ахутаныя далікатнымі гукамі раяля ў выкананні лаўрэата міжнародных конкурсаў і вядучага саліста філармоніі Аляксандра Музыкантава, адродзяць яркія музычныя выявы І.Брамса, Г.Фарэ і Р.Штрауса.

Салістаў канцэрта не пакідае абыякавымі той факт, што кантрабас і раяль інструменты не толькі акадэмічнай музыкі, але і джазавай, танга і іншых музычных жанраў.

Гэты святочны вечар будзе поўны добрай музыкі, прыемнага камунікавання і музычных сюрпрызаў.

Чакаем вас на нашым канцэрце!