“НЕ ПРАКЛІНАЙ, ШТО Я ЛЮБЛЮ...”
Паэтычны монаспектакль па рамане ў вершах “Родныя дзеці” Ніла Гілевіча
Беларускі паэтычны тэатр аднаго акцёра “Зніч”
Дырэктар тэатра – Галіна Дзягілева
Выканавец – Мікалай Лявончык
Рэжысёр-пастаноўшчык – Галіна Дзягілева
Музычны акампанемент – Аляксандр Варановіч
21 студзеня на сцэне Малой залы Беларускай дзяржаўнай філармоніі адбудзецца паэтычны монаспектакль створаны паводле вершаванага рамана Н.Гілевіча “Родныя дзеці”. Твор самабытны, глыбока нацыянальны і па духу, і па моўных сродках. Даследчык беларускага фальклору, быту, тонкі знаўца жывой народнай гаворкі, Ніл Гілевіч стварае своеасаблівую паэтычную “сюіту”, дзе гарманічна знітоўваюцца жартоўныя, гумарыстычныя “ноты” і пранікнёная, шчымлівая “музыка” кахання, чуюцца напевы роднай зямлі, жытнёвага поля, “дзе ціша долы спавіла...”
“Родныя дзеці” – твор сучасны, вельмі актуальны. Ягоныя героі ставяць сабе, жыццю зусім няпростыя пытанні. На некаторыя з іх прыйдзецца адказваць усім нам, родным дзецям беларускай зямлі.
Аўтар інсцэніроўкі, рэжысёр-пастаноўшчык – Галіна Дзягілева, выканаўца – Мікалай Лявончык, музычнае суправаджэнне – Аляксандр Варановіч. Спектакль ідзе 1 гадзіну.
