Супольны праект навучэнцаў музычных дзяржаўных устаноў адукацыі Рэспублікі Беларусь

“ЗІМОВЫЯ КАЗКІ РАЯЛЯ”

Унікальны канцэрт, дзе вы пачуеце не толькі выдатныя інструментальныя і вакальныя нумары, але і зможаце ўзяць удзел у музычных розыгрышах і віктарынах, выявіць сваю эрудыцыю, кемлівасць і нават прадэманстраваць таленты. Традыцыйна самыя актыўныя гледачы атрымаюць прызы і падарункі.

Вясёлыя і яркія музычныя творы падораць гледачам чароўную атмасферу навагодняга свята! Мы запрашаем вас у “Зімовую казку” ў раяля!

Упрыгожаннем канцэрта стануць творы П.Чайкоўскага (“Разважанне”), С.Рахманінава (Прэлюдыя до-дыез мінор), Г.Свірыдава (“Час, наперад!”, “Раманс” з музычных ілюстрацый да аповесці А.Пушкіна “Завея”), М.Мусаргскага (“Баба Яга” з цыкла “Малюнкі з выставы”).

У гэты халодны зімовы вечар у зале будзе па-хатняму цёпла і ўтульна ад радасных твораў, выдатных гукаў музыкі, жартаў і гарачых апладысментаў! Дзецям просім апранаць навагоднія касцюмы і сукенкі. Гледачоў чакае паўтары гадзіны гарантавана добрага настрою!